ZRC SAZU: Turjaška knjiga listin
Arzenal

Turjaška knjiga listin

Ogled:
Leto:
1218
Mesec:
9
Dan:
1
Datum:
1218 IX. 1.
Regest:
Oglejski patriarh Gregor podeli svojemu ministerialu Herbardu (I.) Turjaškemu in njegovim dedičem gozd na Blokah znotraj opisanih meja, že vnaprej vse ostale morebiti kupljene oglejske fevdne posesti in sodstvo nad podeljenimi fevdi.
Izstavitelj:
Oglejski patriarh Gregor
Prejemnik:
Herbard (I.) Turjaški
Arhivsko nahajališče:
GAFA, predal 1
Edicije:
UBK II, str. 209–210, št. 270. — Preinfalk-Bizjak, TKL I/1, str. 60–61, št. 7.
Regesti:
Dimitz, Urkunden-Regesten, str. 3, št. 1. — Komatar, Schloßarchiv, str. 125, št. 5. — Otorepec, Gradivo za zgodovino gozdarstva, str. 13, št. 18. — MHDC IV, str. 555, št. 2728. — UBSt IV, str. 1, št. 1.
Pečati:
/
Komentar:
/

IN namen der heiligen vnd vngetailten driualtikait amen. Die hut der brief ist loblich die da behaltet die gedechtnuzze vnd die da straffet vnd pezzert die vergezznung vnd darvmb durch angesicht dicz briefs. Wir Gregorius von gots gnaden des heiligen stuls ze Aglay patriarch allen christen gelaubigen gegenwurtigen vnd kunftigen, die disen brief ansehent sind vnsern gruz vnd gedechtnuzze dicz geschechen dinges, daz wir vnserm getrewen Herworten von Aursperg dienstmanne vnd allen seinen erben, svnen vnd tochtern, die yeczund sind vnd die furbazz werdent verlihen haben das holcz ze Oblukch als das der perg hat vnd haltet der da in deutsch genant ist der Wartenperg vnd als das wazzer genant Vbel abfleuzzt vncz an das wazzer, das genant ist in der deutsch Eys vnd das gancz holcz vncz her auf den perg, da der auzgang ist des wazzers genant Reschicz mit allen zugehorvngen gepawt vnd vngepawet. Vnd der vorgenant Herwort von Aursperg vnd alle sein erbn svn vnd tochter, die yeczunt sind vnd furbaz werdent, habent aufczeheben vnd ze nemen in demselben holcz, was in geuellet vnd habent auch ir pawlewt in dem egenanten holcz ze seczen vnd ze haltenn vnd was si dunket, daz in ze nucz vnd ze fromen komen mag, daruber haben wir dem egenanten Herworten von Aursperg vnd sein erben, svnen vnd tochtern grozzer gnade getan. Ist dez si ettliche guter chauffent, die von vns oder von vnser heiligen kirchen ze Aglay ze lehen sind, sprechen wir, daz das vest stet vnd vnczerbrochen beleiben sol ze geleicher weis, als ob das vor vnser geschechen were vnd als wir in die verlihen hieten vnd in auch die mit vnsern offennen briefen mit vnsern anhangunden insigeln bestet hieten. Auch sullen der egenante Herwort vnd sein erben von Aursperg, svne vnd tochter, die yeczund sind vnd kunftiklich werdent selber haben das gericht von vns inneczehaben vnd ze richtenn ir lewt vnd guter, die sy von vns vnd von dem heiligen stul ze Aglay ze lehen habend. Vnd ob gescheche, daz der egenanten Herworts vnd seiner erben von Aursperg lewt sich vergezzen vnd wider vnser gericht teten mit worten vnd mit werkchen, das sol vnser gericht noch vnser richter nicht richten noch das gericht vben, svnder die offtgenanten Herwort vnd sein erben, svne vnd tochter von Aursperg sullen selber haben gewalt ze richtenn vnd niderczelegen vnd das dise gabe von vns vnd vnsern nachkomen vest vnd stet beleibe vnd gehalten werde, daruber geben wir disen brief zu ainer vesten stetikeit bestet mit vnserm anhangnden insigel. Der gabe sind zeuge pruder Hainrich prior ze Pettow, Weriand vicztum ze Wernegg, Chunrat erczdiaken im Sevntal, Chrafft erczdiaken ze Villach, maister Perchtolt von Ragede korhere ze Aglay, maister Ludweig pharrer zü Laybach, Hermann von Porczill, Ludwig von Weyden, Gebhart von Voytsperg, Perchtold von Grednik, Marchart vnd Herwort bruder von Los, Herman von Olswisch, Bonifacius de Potilos, Gebhardus von Liebenberg vnd ander erbere lewt genug. Dicz ist geschechen vnd geben cze Weyden, nach Krists gepurdt tausent czwaihundert vnd in dem sechczigisten iare, in dem ersten herbstmann in der achtenden indiction.