GEO
Izberite željene GEO objekte in kliknite Prikaži na zemljevidu. Za prikaz potrebujete aplikacijo, ki podpira KML format (npr. Google Earth)
Trenutno izbrani:
Wir Heinrich von gots genaden chvnik ze Behaym vnd ze Polan, hertzog ze Chernden vnd graf ze Tyrol vnd ze Gortz, vogt der gotshauser ze Aglay, ze Triend vnd ze Brichsen, veriehen an disem prief, daz wir mit vnsers heren vnd oheyms des edlen chvnik Fridreiches von Rome vnd seiner pruder Otten vnd Albrechtes der edlen hertzogen von Osterrich wille vnd gunst verlihen haben vnsern getrewen Volkern vnd Herworden den Owerspergern durch die getrewen dienst, die si vns getan habent vnd noch tun sulent, Owersperch daz ober vnd daz nider in vnd iren erben ze rechtem lehen mit allen dev vnd zereht dartzu gehort, besucht vnd vnbesucht vnd allez daz, daz ir vordern von vns zelehen gehabt habent. Vnd erlauben in die selben zwo veste wider auf ze pawen vnd zemachen, als si wenen, daz ez in nutze sei vnd in wol fuge, also daz si vns vnd vnsern erben mit denselben vesten vnd mit irem dienst wartent sein vnd daz auch vns vnd vnsern erben vnd vnsern landen vnd luten chain schade noch chain hinderung niht geschehe. Vnd geben in daruber disen prief ze ainem vrchunde versigelten mit vnserm hangendem insigel. Der ist geben ze Luntz, do von Christes geburt vergangen waren tausent drev hundert iar vnd darnach in dem ahtzehentem iar, des freitages nach sand Mathias tag.