GEO
Izberite željene GEO objekte in kliknite Prikaži na zemljevidu. Za prikaz potrebujete aplikacijo, ki podpira KML format (npr. Google Earth)
Trenutno izbrani:
Wir Albrecht von gots gnaden hertzog cze Osterreich, cze Styr vnd cze Kernden tun chunt mit disem brif, daz vnser getrewen Hainreich vnd Vlreich Gralanden von Lebenberch daz chamerampt ze Kernden, ze Chrayn vnd auf der Marich, waz si rechtes daran gehabt habent, daz auch si von vns ze lehen gehabt habent vns mit irem brief aufgesant habent vnd vns gebeten, daz wir daz selb chamerampt Leupolten vnd Greiffen gebrudern von Reuttenberch vnd iren erben verlihen. Daz haben wir getan vnd haben denselben Leupolten vnd Greiffen von Rauttenberch vnd iren erben daz vorgeschriben chamerampt ze Kernden, ze Chrayn vnd auf der Marich verlihen mit alle dem, daz darzu gehoret, swaz wir in daran ze recht verlihen solten, alz di vorgenanten Gralanden vnd ir vordern, di von vns ze lehen gehabt vnd herbracht habent. Mit vrchund des brifs, der geben ist ze Wienn, an phincztag nach dem Perchtag, anno domini millesimo CCCO quadragesimo secundo.